شباب 25**وطريقنا للتغيير

شباب مصر اتحرك خلاص **وطلب الرحمة والخلاص
من كل ظلم كان بيعيشه*خرج من جحر كان سببه خوفه
اتكلم وقال مطالبه**صرخ باعلى صوت وقال كل اللى فى قلبه
وصلنا صوتنا لكل الكون**سموها تهور أو جنون
لكن ده حق كان غايب**عنا ورجع** ولينا مطالب
بس انا ليا سؤال**احوالنا بقت فوق الاحتمال
من امتى العدو يبقى حبيب**ازاى فجأة يتحول طبيب
وانتم ياشباب فين عقولكم**ازاى تصدقم عدو خانكم
فى دول فرحانة فينا**هدفها هو احتلال أراضينا
مطالبنا احنا اللى نقولها**مش غيرنا يجى ويطلبها
بلدنا احنا اللى عايشين فيها**عشنا ف كل شبر فى أراضيها
لكن هما كل هدفهم **يدمرونا ويحكمونا**وبادينا يكتفونا
ياشباب25 شكرا" ليكم ع التغيير**وليكم ف قلوبنا كل تقدير
لكن دلوقتى ياشباب **بلدنا خلاص هاتبقى تراب
فى ايد غريبة عننا**اهدافها خبيثة ومزروعة وسطنا
هدفها حالنا يفضل كده**وبلدنا تدمر **وبزياده كده
ياشباب التحرير **خلاص كفاية كده تدمير
مصر بتناديكم**حطوها قدام عنيكم
مصر هى اللى باقية**وبالصبر هاتبقى اقوى
ونعيش حياه تانية**غير اللى عشناها
سنين مره وعذاب فى بلدنا**هاننساها
لكن وجودكم فى التحرير **هايخلى الامر يبقى خطير
مش عايزين نخسر اكتر **اللى حصل لمصر ده كتير
لا بنود ولا دستور ولا قوانين**ازاى هاتتغير وانتم لسه ف التحرير
بتنادوا برحيل مين**ده رئيس حكمنا سنين
انا مش بجامل أو بخدع**لو فى مساؤئ بالشكل ده هاترجع
لكن فكروا بالعقل **وجودوا دلوقتى **من اجل التغيير
علشان يكون اللى جاى افضل**بناديكم سيبوا بقى ميدان التحرير

يا اخت سحر احنا بنقول كفاية كده وانتى بتشعليلها حرام الرئيس نفذ طلباتهم وقال مش هيرشح نفسه تانى يبقى خلاص كفاية فوضى انا عن نفسى عايشين فى رعب من البلطجية الى بيسطو على البيوت والمنازل كده كفاية وقال ايه متجمعين حوالين البردعى مش عارفين ان ده عميل امريكا وهقولك حاجةاحنا هنفوق على صدمة كبيرة قوى

اولا متشكرة جدا" على تعليقك
لكن انتى فهمتينى غلط خالص انا بطالب شباب التحرير انه يترك الميدان علشان نحاول نرجع الاستقرار تانى
واكيد الرعب اللى انتى عايشة فيه كلنا حسينه
لانى عايشة فى مصر مش فى دولة تانية
وانا بحذرهم من اعدائهم اللى موجودين فى وسطهم وهما اللى بيشعللوها مش انا

كلنا مقدرين شعورك تجاه وطنك ياسحر ونشكرك عليه وكلنا وطنا عزيز علينا وشكرا...........