ارجوكم حد يساعدنى بسرعه

انا مش عارفه حاجه فى العربى الى يعرف اى حاجة او اي سوال حد يحطه او طريقه الى ازكر بيها بجد لانى انا مش عارفه ازكر ازى انا عارفه ان دى حاجه متعبه ومش حد فاضي بس بجد يبقى عمل خير فيا جامد جدااااا وبعن فى سوال انا سمعت انا العميد لغى ان الابحات تيجى فى الامتحان دا صح ولا وشكرااا على اى حد هيرد عليا

بسي انا هاقولك انا بذاكر ازاي ويارب تستفادي

انا معاكي ان المده دي غلسه حبتين لالا مش حبتين وبس قولي سته وتلاتين حبايه كده المهم

نذاكر الابحاث الاول لان عليها 8 درجات انا سمعت ان العميد لغا الابحاث بس مش عارف دي اشاعه ولا لا ربنا يستر

بعدين ندخل علي القص هو سهل اقرئي القصص الي فيه واقرئي نشأه كل نوع من انواع الروايه واقرئي المسرحيه والمسرح عند الفريد فرج وعناصر القصه القصيره دي سهله ومعني القصه القصيره والبداوه في القصه القصيره ومتهيئلي ان القص سهل ماعدي فصل المسرح غلس شويه حولي تلخصيه بقدر الامكان ولو معاكي مذكره يبقي احسن


بعد كل ده لو كان لسا فيكي صحه صلي ركعتين واقرئي يجي نص القرأن كده وادخلي علي اغلس جزء في العربي النقد انصحك تذكري من المحضرات لان الكتاب محتاج جهبز من الجهابزه عشان يفهمه

هتذاكري فيه الخطابه من المحضرات او من أي مذكره حلوه ولو معكيش محضرات او مذكره اقرئي النص التاني من القرأن وحولي تلخصيه من الكتاب ازاي

الماهيه
اهتمي بتعريف ابن سينا للخطابه وشرح التعريف وتعريف الحد والرسم واذا كان تعريف ابن سينا للخطابه حد او رسم ده الي الدكتور شرحهم في المحضره
المهمه
دي سهله خالص لو قرئتيها هاتفهاميها

الادوات الدكتور ادانا فيها جزء صغير وهو موضوعات الخطابه بس
كده خلصنا الخطابه الحمد لله ندخل علي معاير الحكم علي الشعر

ولاهي حولي بكل جهدك انك تفهميها وركزي علي اول ثمانبه عناصر لان دول الي الدكتور شرحهم وذكري برده الباقي

نيجي لعمود الشعر
هتركزي علي ان المرزوقي مش اول واحد يكلم عن الموضوع ده وهو وخدهم من فلاسفه غيره وكده بس ما تكتبيش بالاسلوب الي انا كتبه ده اكتبي زي الكتاب او المحضرات
هاندخل جوه شويه هنلاقي سبع معاير هما صغيرين وسهلين مفهمش حاجه
نيجي لمفهوم الشعر وموقف الفلاسفه من قضيه الكذب والصدق وده ذكريه من المحضرات احسن

كده النهج خلص

طريقه الامتحان
لو جيت زي السنه الي فاتت يعني يقول اكتب مقال عن موضوع كذا يبقي كده هاننجح كلنا بأذن الله لكن لو جيت عباره عن اسئله كل سؤال بيكلم عن جزئيه صغيره جوه الموضوع يبقي كده احنا سقطين والحمد لله بس انا اعتقد انه هايجي زي السنه الي فاتت ويكون سهل بأذن الله

اه نسيت اقولك تحفظي لكل معيار بيت او بتين من الشعر للاستشهاد

وكده خلصنا المنهج و ربنا يستر

موضوع ان الابحاث اتلغت دة صحيح
بس ممكن تيجى بطريقة غير مباشرة
بالنسبة
ل د/ عايدة سحر كلمتها وقالت انها هتجيب البحث كجزء من سؤال ومش وضحت اكتر من كدة
اما د/شعبان فمادته تطبيقيه ولازم يجيب البحث واكيد انشاء الله هيجيبه بطريقة غير مباشرة زى ما عمل مع الاقسام الأخرى
و د/سمير بيتقال انه جاب البحث للاقسام التانية بطريقة غير مباشرة

يعنى ف النهاية نعمل اللى علينا ونذاكرهم بس منحطش بقى أملنا اننا نحل البحث وينجحنا وخلاص لأنه ممكن ميجيش
بس ربنا يستر ويجى يا رب

هههههههههههههههههههههههههه اية يا سلام انا عمال اضحك على كلامك اية يا بنى جبتلنا اكتئاب احنا عندنا اكتئاب خلقة