امسك ايدي ؟؟

اصحاب فى الكليه
===

أنت ليه مش بتمسك إيدي وإحنا ماشيين في الشارع ؟"
"لأ بلاش...افرضي حد من قرايبك شافنا؟ والا حد من أصحاب أخوكي
في الكلية؟ إن
شاء الله يا حبيبتي بكره نتخطب وامسك إيديكي ادام الدنيا كلها".





===
مخطوبين
===

"أنت ليه مش بتمسك إيدي وإحنا ماشيين في الشارع؟"
"علشان مش عاوز حد يفتكر إننا علشان اتخطبنا هنصيع بقى ونعيش
حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي
مراتي
حبيبتي في الحلال".




===
متجوزين
===

"أنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى هنمسك إيد بعض في الشارع
وكده...إحنا
اتنين
متجوزين ومحترمين وعندنا بيت نعمل فيه اللي عاوزين نعمله".





===
متجوزين وعندهم ولاد
===

"أنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!"




===
بعد 25 سنه جواز
===

"أنت ليه مش بتمسك إيدي وإحنا ماشيين في الشارع؟"
"إيدك إيه بس اللي هامسكها دلوقتي! إنتي عاوزه جوز بنتك يقول علينا
كبرنا وخرفنا؟

يا اسلام يا جامد
اية الفن دة يا وااد

قلى هى مين يا اسلام وانا امسك ايدها انت عارف الكلام ده ينطبق على مين انا مش هاقول انت اكيد عرفت

في الخباسا يا سيد بلاش نفضح حد وبعدين هاقولك هي مين في الكليه عشان تروح وتورينا شجعتك

وهخلي عادل يشهد عليك ماشي يا عادل

وهخلي الغندور الي انتا ما تقصدهوش بكلامك يشهد عليك

As you like Ya semsem

طب اما هو مش هيمسك ايديها خالص هيمسكها امتى بقى وهى ميتة ااااكيد هههههههههههههههههههههههههههههههه

ههههههههههههههههههههههههههههههههههههه ......حلو الكلام اووووووى دا حته من فيلم شوفته قبل كدة اسمه امسك ايدى من فضلك انت متاثر بيه اووووى

اية يا اسلام انا داخل بالصدفة بتجيبوا فى سيرتى

وبعدين هو مين اللى بيتحايل البنت كمان احنا فى زمن العجايب انت فكرتنى بمسرحية سك على بناتك هههههههههههه سيبية يمسكها يا فوزية عارف المسرحية دى وبعدين هو فى ولاد دلوقتى كدة يا اسلام انت مش عايش فى الدنيا ولا اية يمكن انت بس يا اسلام اللى كدةههههههههههههههههههه