على كورنيش اسكندريه

[ندعوك للتسجيل في المنتدى أو التعريف بنفسك لمعاينة هذه الصورة]

على كورنيش اسكندريه

بالصدفه لمحتها

دى عروسه لا جنيه

الرقه دى طبعها

البحر ف لون عنيها

وصفاء الكون فى روحها

وفى طيبه قلبها

لو هحكى ف لون خدودها

وجمالها وحسنها

محتاج مليون قصيده

تمهيد للوصف فيها

محتاج اشوف طريقه

ازاى هوصلها

مشيتها جد جدا

وملامحها . الله بريئه

حد يكلمها مرة

ترحمنى انا مش قدها

اليوم ده انا جاى وحالف

مش اروح الا وكلمتها

خدت القرار وعارف

فى الحق بتكون جريئه

واللى يعاكسها يحزن

بس انا نويت خلاص

عديت من جمبها

وبقصدى خبطتها

وقعت شنطتها منها

وطيت اجيبها ليها

وبكل رقه قالت

انا اسفه مكانش قصدى

مكنتش واخده بالى

كان همى بسرعه اعدى

بصيت ووقفت ساكت

صوتها مكانش عادى

مشيت خلاص وغابت

وانا لسه فى مكانى باصص

مستنى فرصه تانيه

او حتى خبطه تانيه

علشان اعتذرلها