هتغير خلاص

أنا بكل وفاء يا ناس حبيت....ومقابل حبى دة ما لاقيت
ما لقيتش حد يحبنى....ما لقيتش حد يحسنى
كان ذنبى اية من كل دة....بصرخ بقول أة وأة
بصوت يسمع للسما....وكمان انتشر ف الفضا
أنا صوتى يا ناس بقى منبوح....أيام وسنين عمال ببوح
بحبى ليها وشوقى ليها يا ناس ببوح....من كتر حبى وشوقى ليها بصيت لقيت قلبى مجروح
مجروح يا ناس عمال بينزف....وبصوتى بصرخ قلبى بينزف
ولا حد ليا يا ناس بيسمع....ولا حتى حد فيا بيسأل
طب اعمل اية قولولى انتم....هفرح كتير أنا لو فهمتم
دة حب غالى يا ناس عليا....عشانه اضحى بكل ما فيا
دة حب وطنى الغالى اللى....ف يوم أبدا" ما غاب عن بالى
نفسى ف يوم اصحى من النوم....الاقى ابدا" مفيش هموم
اللوم عليكم ولا عليا....ولا كلنا بعنا القضية
سبنا الذئاب وسط القطيع....ما فى مرة زهقوا من التقطيع
مين السبب ف اللى احنا فيه؟....دة سؤال ترد انت عليه
متقولش اية واية واية....هقولك انا يا عم علية
احنا السببب ف اللى احنا فيه....من يوم ما سيبنا الكلاب ما بينا
عايشين بياكلوا كل خيرنا....وبيوزعوه كمان على غيرنا
ثورة تهيج وف لحظة تجمد....دى النار كمان لازم بتخمد
يلا يا شعب تعالى نادى....يلا يا عادل انت وهنادى
وهات وفاء هى وشادى....وكمان معاهم جرجس وفادى
متقولش بقالى سنين بنادى....والناس مش سامعه ودة شىء عادى
يلا نغير منقولش لأ....عاوزين نرجع كل حق
حق الفقير من كل ظالم....وحق الغنى يرجعله سالم
متقولش انا غنى والخير كتير....يا اخويا عدوك غدار كبير
ممكن يبيعك علشين دينار....ويبيع ابوه ف وسط النار
انا عن نفسى خلاص هاتغير....الدور على شعبى بقى يتحرر
لا تراجع ولا استسلام....دة تحت ضرسه حمامة السلام
علشين يا ناس الخير يعم....عاوز الناس كلها تنضم
اقباط عايشين مع مسلمين....ويهود بتولع ما بين الاتنين
القبطى يا ناس زى أخونا....ميجوش يهود ويفرقونا
خلص الكلام يا ناس خلاص....اتحركوا بقى بحب واخلاص

الله عليك ياعادل
ايه الابداع ده كله المواهب دى كانت فين
بس أكيد فى كتير مننا لسه مابعوش القضية

كنت قافل عليها ف الدرج والمفتاح ضاع منى
هههههههههههههه

اكيد طبعا" بس من اللى شوفته ف حياتى القضية دى محتاجه سنين كتير علشين تتظبط
لأن الاجيال الحالية معظمها دماغها مليانه بحاجات تافهة

الله عليك يا دوله يا جامد

بجد بجد الله عليك كلام كلة حماس جدااااااااااا جداااااااااا