امتحانات X امتحانات

زغرطى يا ام الهنا ده الى ذاكر ذاكر من اول السنة
صوتى يا ام شهاب انا لسة مفتحتش كتاب
زغرطى يا ام وائل مش هطلع م الاوائل
زغرطى يا ام رحاب الناس لايصة ف اداب
ياعينى ع الى فى تجارة دماغهم لسة ع المحارة
الناس اللى ف علوم المواد واقفة ف البلعوم
الناس اللى ف طب قلبها من الصدمة دب
الناس اللى ف اعلام بتستغطى وتنام
الناس اللى ف سياحة اكتر ناس مرتاحة
الناس اللى ف حقوق دايخة ومش هتفوق
الناس اللى ف تربية اتقطعت من الاسية

وعجبى

هههههههههههههههههه جامدة جا يبها منين دى

هههههههههههههههههه دا الناس اللى ف ادب ذاكرتها خلاص دابت وجايلها زهايمر بدرى بدرى وانا اولهم

هههههههههه المزاكرة بوظت دماغنا بقالنا شهرين عملين نديها معلومات لغاية ما هتنفجر

وطبعا موضوع الزهايمر دة مابيحصلش غير للعلماء اللى زينا من كتر تدكس المعلومات والبحث ربنا يستر على مانتخرج بقى هتبقى دماغنا شكلها ايه؟؟؟

تخرج مين !!!
مش محتاجين نتخرج علشان نعرف هنبقى عاملين ازااى
معدش فى دماغ من دلوقتى الواحد بقى بينسى اسمه

ربنا بس يعينا ونوصل لمرحلة التخرج

انتم محسسنى اننا بنذاكر حاجة ما تتذاكرشى ابدا امال النالس الا فى طب وهندسة الا 7 سنين وغيرهم يعملوا ايه احنا عايشين فى نعيم الا احنا بنذاكره ده اسمه لعب عيال احمدوا ربنا

الموضوع وما فيه يا أ/ سيد
اننا بنحب الفهم عن الحفظ وطبعا" كل المواد بتحتاج حفظ
وبالنسبة لطب وهندسة اللى بيحب الفهم يبقى امه دعياله
اما لو غير كدة يبقى ربنا معاه

طب وهندسه دول بيبقوا بيفهموا وبيذاكروا وعندهم سكاشن وعملى يعنى بيبقى عندهم خلفيه عن المنهج وكمان انتوا ليه مستهتريت باداب ف الاول كنت مفكراها سهله لكن لما دخلت القسم دة اكتشفلى عكس كدة تماما احنا برضوا بنعادل طب وهندسه ف المذاكرة ويا ريت الشعب المصرى دة يشيل من دماغه حكايه ان هندسه وطب دول بس كليات القمه انتوا عارفين ان كليه الحقوق دى تعتبر ف امريكا من ارقى الكليات ومن كليات القمه عندهم وكليه الاداب دى من اوائل الكليات فى فرنسا عيب عليكوا دانتو المفروض اعلامين وعارفين الكلام دة ولا ايه؟