حكاية **شهيد

هاحكيلكم حكاية شهيد
قام الصبح واتوضى
وباس راس امه وتانى
وقلها انا رايح اموت شهيد
نزلت دمعه من عنيها
خدها على ايده وحضنها
الليلة يا امى ها يكون عيد
وقلها وصيتى علشان اكون سعيد
اوعى فى يوم تبكى
وقولى لاخواتى ما ينسوا حقى
واوعى يفرطوا فى دمى
انا عارف انى هاموت وانتى تبقى
وحقبقتى تبقى ذكرى
وتبقى اغنية اغنيها
انا الشهيد يا بلادى
وشايل روحى على ايدى
وعارف انى ها فديكى
ودمى مايه يرويكى
وعنيا نور تضويكى
والنصر هدية اهديكى









للاسف ايها الشهيد كلنا فرطنا فى دمك

بناءا على ايه بتقول اننا فرطنا فى دم الشهداء؟؟؟؟؟
ولو انت مقصر يبقى ماتعممش فى ناس ما ابتدتش لكن جواها انها تعمل شيء وبالفعل هتعمل ان شاء الله
بس عشان دم الشهداء مايروحش هدر ولا نفرط فيه زي ماتفضلت وقولت يبقى لازم اى خطوة نبتديها تكون مدروسه صح عشان تحقق النتائج اللى احنا منتظرينها مش نبدأ بدون دراسه وبعدين نحبط ونقول ليه كدا
أرجو من سيادتك عدم الحدية فى الكلام بالشكل دا وخصوصا انك بتعمم الكلام
تقبل فائق احترامى وارجو ان تعليقي مايكنش ضايقك بس انا كان لازم اوضح وكان ضرورى جدا اقول الكلام دا

بالعكس انا محترم رايك جدا بس انا برده بقول راى وده الا انا شايفة وفى نقطة عايز اوضحها انا بعترف انى غلطت فيها انى قلت كلنا هو بعض ولو عايزة تعرفى بناءا على ايه الامثلة كتير واكيد انتى عرفاها .
مثلا احنا فى وادى وناس تانية فى وادى تانى
مثلا المظاهرات الفئوية تفسريها بايه ؟
تفسرى بايه الثورة المضادة؟
تفسرى بايه وجود البلطجية والحرمية؟
لو عندك تفسير لهذه القلة قولى ..

اه تفسيري موجود واللى انا ان شاء الله هحاول ابدأ بيه وهو
(الوعى)
بمعنى ان البعض اللى انت ذكرتهم دول فاقدين للوعى وعايشين فى اللاوعى
وللاسف هما مستمتعين بدا ولكن بدورنا احنا كشباب عاوزين ننهض ببلدنا نوفر جو صحى يملئه الوعى سواء ثقافى سياسيى اجتماعى ديني ايا كان المهم يتوفر بالسبل اللى تحمس هؤلاء وتشجعهم على انهم يسمعوا عشان يفهموا وطبعا كلمة الوعى بيندرج تحتها نقط كثيرة ولكن المجال ليس متاح لطرحها ولكن انا بطالب بالوعى ثم الوعى ثم الوعى
مع فائق احترامى

عجبنى اوى تفسيرك الوعى وياريت كلنا نبدا مع بعض بتوعية الشباب بحقوقهم ومطالبهم وزى ما ابو الشهيد محمد جمال سليم قال قولوا لاء للظلم ولو ما قلناش لاء بكده هايكون دم الشهيد اتهدر ياريت كلنا نبدا من دلوقتى بالتوعية شكرا .....

شوفت بقى حاجة زي دي مش كانت فى ذهنك ازاى لان انت اى خطوة بدأتها بعد الثورة كانت بحماس من الثورة وليس من رغبه فى الاصلاح من ذاتك انت على ما اعتقد ان عدد كبير من الناس فاقدين حاجة زى دى ولكن الان اصبح الى حد ما موجود بس بشكل غير ملحوظ فاحنا لازم بدورنا نظهره بشكل ملحوظ وملموس باذن الله