اتعلموا الحب بقى حرام عليكوا‏

الخطيب : بحبك ( يا بااااااي

الخطيبة : و انا كمان ( داهيه تاخدك

الخطيب : من اخر مره وانا بافكر فيكي ( يارب تغوري من وشي

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني



الخطيب : امال فين حماتي مش شايفها يعني ( الحربايه الكبيره



الخطيبة : موجوده اندهها لك ( علشان تسم بدنك

الخطيب : اه طبعا يا حبيبتي و انا اقدر استغني ( يارب تتكعبل في السجاده وهي جايه

الخطيبة : ماما تعالي كلمي ( علي الله تقولك حاجه ترفع لك الضغط

الخطيب : اهلا يا حماتي ازيك ( الهي ما تكوني بخير


الحماة : اهلا يا خطيب بنتي ( بلا نيله


الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها





الحماة : الف مبروك يا حبيبي ( ياما جاب الغراب لامه


الخطيب : حنروح نشوفها بكره ايه رايك يا حبيبتي ( علي الله تتكعوري عالسلم و انتي طالعه


الخطيبة : وماله طبعا لازم نشوفها ( اكيد قد الحق وفي منطقه معفنه


الخطيب : علي فكره يا حماتي ( جتك حمه


الحماة : ايه يا خطيب بنتي ( خطيب الشوم والندامه




الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي


الحماة : و ماله يابني بس مش لسه بدري ( جتك نيله مستعجل علي ايه


الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي


الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه


الخطيب : طيب يا حماتي انا حامشي دلوقتي ( افففففف انا اتخنقت من الوليه دي


الحماة : ماهو لسه بدري ( في ستين داهيه


الخطيب : باي يا حبيبتي ( حبك بر


الخطيبة : مع السلامه يا حبيبي ( البلد اللي تودي


الخطيب : كلميني في التليفون ( يا رب يقطعوا الحراره

لو الحب بالشكل ده يبقى البعد عنه احسن
بجد ياعادل الكلام زى الفل بس لسه فى كده؟

لا طبعا" لأننا من غير الحب منقدرش نعيش
مش شرط حب ولد لبنت المهم انه يكون فى حب حب الاب,الام,الاخ,الاخت..........
وفوق دة كله حب ربنا سبحانه وتعالى ورسولنا الكريم

هو ده الحب القيقى على راى محمد فؤاد *** ههههههههههههههههههههههههههههههههههههههههه هو الحب حلو بس ان يكون فيه حمى هى دى الحاجة الوحشة

هو دة الحب ولا بلاش هههههههههههههههه

حلوة اوى يا عادل ههههههههههههههههههههههههههههههههه

حلوه يا عادل بس الحاجات دي هاتوديك في دهيه في المستقبل افرد مثلا خطبت وخطبتك شافت الانتا كاتبو او حماتك دي تبقا وقعه سوده انتا حر الله يرحمك من دلوقتي

لا متخفش عليا يا اسلام
انا هعمل زى الكبير اوى واقطع النت عن مصر كلها
يعنى اعمل حسابك لليوم دة من غير نت
هههههههههههه