رخامه مفيش زيها‏

مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : لو سمحت من فضلك قلعني الجاكتة

فالاولاني قال له : نعم؟!!!

فالتاني قال : قلعني الجاكتة بسرعة

حاضر.. حاضر و راح مقلعه الجاكتة

لو سمحت بقه قلعني الكرافتة

إيه؟!!

الكرافته ..الكرافته بسرعة

حاضر.. حاضر و راح مقلعه الكرافته و هو مستغرب اوي من الراجل الغريب ده : ها يا سيدي اي خدمة تانية!!

اه .. معلش فكلي زراير القميص

لااااا دانت زّودتها اوي .. كده تاخد برد يقلب بنزلة شعبية حادة تاخد أجلك

من فضلك فكها .. بسرعة .. ارجوك

ُافففففف.. وادي زراير القميص خلاص فكتها.. دا كان يوم إيه المهبب ده, ها أي

اوامر تانية؟

أيوه قلعني بقه القميص

يا سيدي عييب .. مايصحش كده , د إحنا فى الشارع خللي عندك دم .. .. يا حول الله يا رب !!

أرجوك.. أرجوك بسرعة.. مافيش وقت

دي وقعت إيه المهببه دي, أنا كان إيه إللي جابني من الشارع ده..وادي القميص ... هاااا.. إيه تاني!!

إرسملي على ظهري خطوط بالطول و خطوط بالعرض

حسبي الله و نعم الوكيل .. إنت مجنون ياراجل أنت؟؟!!

من فضلك .. أرجوك

رسمتلك زفت بالطول و زفت بالعرض

رقملي بقه المربعات إللي إتكونت على ظهري بالأرقام من 1 إلي 40

يا صبر أيوووب .. بقه إنت معطلني كل ده علشان تلعبني سيجه على قفاك؟!!!!

بسرعة لو سمحت .. أرجوك رقمهم .. من فضلك مش قادر

أديني رقمتهم...

لو سمحت بقى أهرشلي في المربع رقم 33 !!!!

ههههههههههههههههه
بجد النكتة دمها خفيف وخلت الواحد يضحك من قلبه

هههههههههههه
كل دة علشين نملة فكان عاوز يهرش

ههههههههههههههههههه بحد تحفه تموت من الضحك انا مش قادره

مين الراجل ده علشان عاوزه اكتب اسمه فى ورقة

استر على ولايانا يا سيد مش لازم نفضح الراجل ونكتب اسمه
هههههههه

خلاص يا سيد ما تكسفش عادل

طالما ان الراجل هنا يبقى خلاص نقول اسمه
هو اسلام فوزى عبد العزيز أمين الصندوق
وكان واقع منه بريزة خلته تايه وعمل دة كله وهو مش فوعيه
بس اوعوا حد يفضحه احنا مبنحبش نسيح لحد

ههههههههههههههه
بجد التعليقات دمها خفيف

هو انت طلعت منهم يا اسلام ماشى انا دلوقتى عرفتك على حقيقتك بتقول لراجل فى الشارع اهرشلى وعادل رئيس المنتدى موجود ميصحش كده

انا يا عادل برده انتا بتداري الموضوع وعايز تجبها فيا كده برده لا لا لا امال لو مكنتش انا الي هرشتلك كنت اولت ايه وعلي العموم اوريب هااسبت للناس دي مين الصح اصل انتا ماتعرفش ان انا صورتك سعتها علي العموم انتظرونا





ملحوظه (ده هزار اوعي حد يصدق ان انا هرشت لعادل ولا حاجه بس مضمنش ان مايكنش هو بيكلم عن نفسه الله واعلم علا العموم هنزل الصوره الوعدتكم بيها لو عادل ما اتاسفش ادام الناس دي كلها وهو عارف كويس ان انا اقدر وهو مجرب ابل كده)