علشانك يا مصر 

حملة مصرية يقودها شباب مصر خير اجناد الارض
الشباب كلهم بتواصلوا من خلال المنتدى او صفحتنا على الفيس

اضغط هنا لمشاهدة رابط الحملة على الفيس

ونحدد الاماكن ونتفق على وقت معين وننزل كلنا مصريين
ايد واحده بهدف واحد اننا نصلح اللى اتخرب وتنظيف الشوارع
مش عيب اننا نكنس وننظف العيب اننا نسيب البلد فيها زبالة وكلها تخريب

لو مش هتقدر تشارك بنفسك يبقى تشاركنا بنشر الفكرة

رسالة الى كل شاب الى كل مواطن مصرى بيحب مصر وبيعشق ترابها
وبيحترم وبيقدر كل نقطة دم شهيد نزفت على ارض مصر
مش عايزين نفسد اهداف الثورة ونخون عهد الشهداء اللى كان كل هدفهم مصر
مكنش فى حد منهم انانى ولا كان حد فيهم بيدور على مطالب فردية
شباب الثورة كانوا ايد واحدة ومطالبهم واهدافهم واحدة وهى مصلحة مصر مش مصلحة افراد
ليه دلوقتى احنا بقينا اناننين وبنفكر ف مصالحنا احنا بس ومش مصلحة البلد
صدقونى دلوقتى مش وقت مطالب فردية أو فئوية دلوقتى مصلحة مصر هى الاهم مش مصالحنا احنا كأفراد
لما الاوضاع تستقر مطالبنا هاتتحقق لكن ازاى دلوقتى كل واحد بيدور على نفسه وبيدور على مصلحته...

رسالة لكل واحد بيستغل مجهود الشباب وعاوز يركب الموجة ويستمر ف التظاهر

كلام فارغ واستهبال
الحال بقى غير الحال
وانتى بترغى ف البطال
والراجل صرح وقال
لا وراثة ولا ف الحكم استكمال
وبصراحة اللى منكم بيتقال
كله ف بعضة دة شغل عيال
ف بالبداية كانت ثورة رجال
هم الابطال صلحوا كل الاحوال
وانتم جايين زى الخيال
عاوز يركب فوق الاحمال
ويهد كل اللى اتنال