الرئيسية
أحدث الصور
الوزن المثالي لعضلات اضخم
ارفع الوزن المثالي لتبني عضلات اضخم
الكثير من المبتدئين في كمال الاجسام من كثرة تحمسهم و الصورة الي ماخذية بانو راح ايكونون اقوياء و اجسامهم طاكة يهتمون بالاوزان اكثر من التمرين نفسة وهذي من اهم الاخطاء لازم انوضحة . يعني اول ميفوت للقاعة ايشيل وزن اكثر من الازم بالنسبة لحالتة بس شنو شوفوني شيل وزن بس هذا غلط كلش جبير انت لمن شايل وزن جبير اي احتمال تكدر اتشيلة بس شنو شكل التمرين الي راح اتسوية صحيح لو غلط ؟
من ورة هذي الاخطاء الشائعة المتكررة حبيت اكتب و اوضح طريقة اختيار الوزن بالنسبة للاعب
اداء التمرين باوزان خاطئة راح اتكون الة نتئاج سلبية في بناء العضلات .
التدريب باوزان اكبر من الازم اول اقل من الازم بالحالتين اكتساب الكتلة العضلية راح اتكون محدودة لعدم استعمال الوزن المناسب, واذا قارنة بين التدريب بوزن ثكيل او خفيف راح انشوف انو اهم الاشياء الي تميز رياضة كمال الاجسام عن القوة هو ان كمال الاجسام تركز على اداء التمرين بصورة صحيحة و بوزن كبير نسبيا بشرط ان اتكون الك القدرة اتسوي 8 تكرارات على لاقل, اما اذا مكدرت اتسوي 8 تكرارات بهل حالة انت كاعد اتسوي تمارين قوة و ابتعدت عن رياضة كمال الاجسام وبنفس الوكت اذا كدرت تتمرن وتسوي اكثر من 12 تكرار راح ايكون غير مثالي لنمو عضلات و اهم فقرة هو انو التمرين بوزن قليل مراح ايكون قادراً على إيصال جسمك إلى عملية الهدم العضلي (والتي تتبعها عملية البناء في الأنسجة العضلية) والتي تعتبر الآلية الأساسية في لعبة بناء الأجسام. وبدون الوصول إلى هذه المرحلة لن يكون لتدريبك تأثير يذكر.
و مراح تستهدف الأنسجة العضلية المطلوبة, لان لبناء العضلات لازم تستهدف العضلات المرتعشة السريعة , و المشكلة أن الأوزان الخفيفة تحفز الأنسجة العضلية المرتعشة البطيئة فقط، بدلاً من إستهداف العضلات المرتعشة السريعة. والنتيجة: لن تتم عملية بناء العضلات!
الوزن المثالي هو :
- تكدر اتسوي من 8-10 تكرارات او 10-12 حسب الكورس
- اداء التمرين بزمن يتراوح من (30-70) ثانية
-اكو استثناء وحيد تكدر متوصل ل 8تكرارات وهو اكيد الكل ايعرفوة وهو حالة كسر الوزن الي هو تتمرن بوزن ثقيل بتكرارات قليلة لعدم حدوث صدمة و لتهيئة العضلة للتمرين بوزن اعلة بالمرات الجاية
-عند إختيارك الوزن المناسب لازم اتركز على أن تصل خلال أدائك التمرين إلى مرحلة التعب في نهاية كل مجموعة. الوصول إلى مرحلة التعب معناه انت وصلت إلى آخر تكرار أو آخر تكرارين من التكرارات الازمة
مثلاً:
إذا جانت التكرارات الي لازم اتسوية في تمرين من 8-10تكرارات لازم تختار وزن بحيث تصل إلى التكرار التاسع بصعوبة وتحاول أداء التكرار العاشر بصعوبة (طبعاً بدون أن تخرج عن تأدية التمرين بالشكل المانسب)، عندها يكون هذا الوزن هو الوزن الذي يجب عليك التمرن به. أما في حالة اتعديت التكرار العاشر بسهولة لازم اتزيد الوزن، وفي حالة صعوبة الوصول إلى التكرار الثامن، لازم تخفف من الوزن.
